ಥೈಲ್ಯಾಂಡ್, ಸೆಪ್ಟೆಂಬರ್ 07 : ಬ್ರಿಟಿಷ್-ನೈಜೀರಿಯಾದ ಉದ್ಯಮಿ ಮತ್ತು ಸೋಶಿಯಲ್ ಮೀಡಿಯಾ ಇನ್ಫ್ಲುಯೆನ್ಸರ್ ಆಗಿದ್ದ 43 ವರ್ಷದ ಇಘೋ ಉಬಿರಿಬೊ, ಥೈಲ್ಯಾಂಡ್‌ನಲ್ಲಿ ಕಾಸ್ಮೆಟಿಕ್ ಶಸ್ತ್ರಚಿಕಿತ್ಸೆಯ ನಂತರ ಮೃತಪಟ್ಟಿದ್ದಾರೆ. ಉಬಿರಿಬೊ ಅವರು ತಮ್ಮ ಪತ್ನಿಯೊಂದಿಗೆ ಬ್ಯಾಂಕಾಕ್‌ನಲ್ಲಿ ರಜೆಯಲ್ಲಿದ್ದಾಗ, ಶಿಶ್ನ ಹಿಗ್ಗಿಸುವಿಕೆ (penis enlargement) ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದರು. ಶಸ್ತ್ರಚಿಕಿತ್ಸೆಯ ಸಮಯದಲ್ಲಿ ಅವರಿಗೆ 40 ಮಿಲಿ ಹೈಲುರಾನಿಕ್ ಆಮ್ಲ (Hyaluronic acid) ಮತ್ತು ಲಿಡೋಕೇಯ್ನ್ ನೀಡಲಾಗಿತ್ತು. ಆ ಬಳಿಕ ಅವರಿಗೆ ತೀವ್ರ ಎದೆನೋವು ಕಾಣಿಸಿಕೊಂಡು ಎರಡು ಬಾರಿ ಮೂರ್ಛೆ ಹೋದರು.
ಕೂಡಲೇ ಅವರನ್ನು ಬ್ಯಾಂಕಾಕ್‌ನ ಸುಖುಮ್ವಿಟ್ ಆಸ್ಪತ್ರೆಗೆ ದಾಖಲಿಸಲಾಯಿತು. ಶ್ವಾಸಕೋಶದ ರಕ್ತನಾಳಗಳು ನಿರ್ಬಂಧಗೊಳ್ಳುವ 'ಪಲ್ಮನರಿ ಎಂಬಾಲಿಸಮ್' ಸಮಸ್ಯೆಯಿಂದ ಅವರು ಬಳಲುತ್ತಿದ್ದಾರೆ ಎಂದು ವೈದ್ಯರು ತಿಳಿಸಿದರು.
ವೈದ್ಯರು ಸುಮಾರು 100 ನಿಮಿಷಗಳಿಗೂ ಹೆಚ್ಚು ಕಾಲ ಸಿಪಿಆರ್ (CPR) ಮಾಡಿ ಜೀವ ಉಳಿಸಲು ಪ್ರಯತ್ನಿಸಿದರೂ ಫಲಕಾರಿಯಾಗದೆ, ಮಾರ್ಚ್ 6 ರಂದು ಅವರು ನಿಧನರಾದರು. ಯುುಕೆಯಲ್ಲಿ ನಡೆಸಿದ ಮರಣೋತ್ತರ ಪರೀಕ್ಷೆಯಲ್ಲಿ, ಅವರ ಶ್ವಾಸಕೋಶದಲ್ಲಿ ಇಂಜೆಕ್ಷನ್‌ಗೆ ಬಳಸಲಾಗಿದ್ದ ಹೈಲುರಾನಿಕ್ ಆಮ್ಲದ ಅಂಶ ಪತ್ತೆಯಾಗಿದೆ. ಇಂಜೆಕ್ಷನ್‌ನಿಂದ ಉಂಟಾದ ಪಲ್ಮನರಿ ಎಂಬಾಲಿಸಮ್‌ನಿಂದಲೇ ಅವರು ಸಾವನ್ನಪ್ಪಿದ್ದಾರೆ ಎಂದು ಕರೋನರ್ ನ್ಯಾಯಾಲಯ ತೀರ್ಮಾನಿಸಿದೆ.
ಆಸ್ತಿ ಮತ್ತು ನಿವ್ವಳ ಮೌಲ್ಯ: ಇಘೋ ಉಬಿರಿಬೊ ಅವರ ನಿಖರವಾದ ಆಸ್ತಿ ಮೌಲ್ಯ ಸಾರ್ವಜನಿಕವಾಗಿ ತಿಳಿದಿಲ್ಲ. ಆದರೆ ವರದಿಗಳ ಪ್ರಕಾರ ಅವರು ಅಮೆರಿಕದ ಲಾಸ್ ಏಂಜಲೀಸ್‌ನಲ್ಲಿ ಸುಮಾರು $1.1 ಮಿಲಿಯನ್ ಮೌಲ್ಯದ ಮನೆ ಮತ್ತು ಲಂಡನ್‌ನಲ್ಲಿ ಸುಮಾರು $600,000 ಮೌಲ್ಯದ ಅಪಾರ್ಟ್ಮೆಂಟ್ ಹೊಂದಿದ್ದರು. ಜೊತೆಗೆ ದುಬಾರಿ ಕಾರುಗಳು, ವಿಹಾರ ನೌಕೆಗಳು (yachts) ಮತ್ತು ಡಿಸೈನರ್ ಬಟ್ಟೆಗಳನ್ನು ಬಳಸುವ ಮೂಲಕ ಐಷಾರಾಮಿ ಜೀವನ ನಡೆಸುತ್ತಿದ್ದರು.