ಮಂಗಳೂರು,ಸೆ 20 : ಮಂಗಳೂರಿನ ಬಜ್ಪೆಯಲ್ಲಿ ನಿರ್ಮಿಸಲು ಉದ್ದೇಶಿಸಿರುವ ಹಜ್ ಭವನದ ಶಿಲಾನ್ಯಾಸ ಸಮಾರಂಭದ ಸಂದರ್ಭದಲ್ಲಿ ವಸತಿ ಸಚಿವ ಬಿ.ಝಡ್. ಜಮೀರ್ ಅಹ್ಮದ್ ಖಾನ್ ಅವರು ಮಾಧ್ಯಮದೊಂದಿಗೆ ಮಾತನಾಡುತ್ತಾ, "ಮಂಗಳೂರಿನ ಹಜ್ ಭವನಕ್ಕೆ ಈ ಹಿಂದೆ ಜಮೀನು ಲಭ್ಯವಾಗಿಸಲು ಯಾವ ಮುಸ್ಲಿಮರೂ ಆಸಕ್ತಿ ತೋರಿಲ್ಲ, ಇನಾಯತ್ ಆಲಿ ಅವರು ಮಾತ್ರ ಮಾಡಿಕೊಟ್ಟರು" ಎಂಬ ರೀತಿಯಲ್ಲಿ ನೀಡಿರುವ ಹೇಳಿಕೆ ಅಪ್ರಸ್ತುತ ಹಾಗೂ ಖೇದಕರ ಎಂದು ಮಂಗಳೂರಿನ ಮಾಜಿ ಮೇಯರ್ ಕೆ. ಅಶ್ರಫ್ ತಿಳಿಸಿದ್ದಾರೆ.
ಈ ಕುರಿತು ಹೇಳಿಕೆ ಬಿಡುಗಡೆ ಮಾಡಿರುವ ಅವರು, ಸಚಿವರ ಹೇಳಿಕೆಗೆ ತೀವ್ರ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.
ಹಿಂದಿನ ಮುಖಂಡರ ಪ್ರಯತ್ನಗಳ ಕಡೆಗಣನೆ: ಹಜ್ ಭವನ ನಿರ್ಮಾಣಕ್ಕಾಗಿ ಈ ಹಿಂದೆ ಮಂಗಳೂರಿನ ಹತ್ತು ಹಲವು ಮುಖಂಡರು, ಜನಪ್ರತಿನಿಧಿಗಳು ಮತ್ತು ಸ್ಥಿತಿವಂತರು ಪ್ರಾಮಾಣಿಕ ಪ್ರಯತ್ನಗಳನ್ನು ನಡೆಸಿದ್ದಾರೆಂಬುದನ್ನು ಸಚಿವರು ಅರ್ಥ ಮಾಡಿಕೊಳ್ಳಬೇಕು.
ಸಚಿವರ ಹಿಂದಿನ ನಿರ್ಲಕ್ಷ್ಯ: ಈ ಹಿಂದೆ ಸರ್ಕಾರದ ಜಮೀನು ಹಾಗೂ ಪಕ್ಕದ ಖಾಸಗಿ ಜಮೀನನ್ನು ಭೂಸ್ವಾಧೀನಪಡಿಸಿಕೊಂಡು ಹಜ್ ಭವನಕ್ಕೆ ಜಮೀನು ಒದಗಿಸಲು ಪ್ರಯತ್ನಿಸುವ ನಿಟ್ಟಿನಲ್ಲಿ ಸಚಿವ ಜಮೀರ್ ಅಹ್ಮದ್ ಖಾನ್ ಅವರು ಅಂದು ಯಾವುದೇ ವಿಶೇಷ ಉತ್ಸಾಹ ತೋರಿರಲಿಲ್ಲ ಎಂಬುದನ್ನು ಅವರು ಮರೆಯಬಾರದು ಎಂದು ಕೆ. ಅಶ್ರಫ್ ನೆನಪಿಸಿದ್ದಾರೆ.
ಸ್ಥಿತಿವಂತರ ಕೊಡುಗೆ ಸ್ಮರಣೀಯ: ಇನಾಯತ್ ಆಲಿ ಅವರ ಕೊಡುಗೆಯನ್ನು ಎಲ್ಲರೂ ಶ್ಲಾಘಿಸಬೇಕು, ಆದರೆ "ಮಂಗಳೂರಿನ ಸ್ಥಿತಿವಂತ ಮುಸ್ಲಿಮರು ಯಾವುದೇ ಕೊಡುಗೆ ನೀಡಿಲ್ಲ" ಎಂಬ ರೀತಿಯಲ್ಲಿ ಸಚಿವರು ಮಾತನಾಡುವುದು ಸರಿಯಲ್ಲ. ಮಂಗಳೂರಿನ ಅಸಂಖ್ಯಾತ ಸ್ಥಿತಿವಂತ ಮುಸ್ಲಿಮರು ಈ ರಾಜ್ಯಕ್ಕೆ ವಿವಿಧ ರೀತಿಯಲ್ಲಿ ಹತ್ತು ಹಲವು ಕೊಡುಗೆಗಳನ್ನು ನೀಡಿದ್ದಾರೆಂಬ ಸತ್ಯವನ್ನು ಸಚಿವರು ಅರಿಯಬೇಕು ಎಂದು ಅವರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಜವಾಬ್ದಾರಿಯುತ ಸರ್ಕಾರದ ಸಚಿವರೊಬ್ಬರು ಸಾರ್ವಜನಿಕವಾಗಿ ಈ ರೀತಿಯ ಹೇಳಿಕೆ ನೀಡುವುದು ಸರಿಯಲ್ಲ ಎಂದು ಕೆ.ಅಶ್ರಫ್ ತಮ್ಮ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಹಜ್ ಭವನ ನಿರ್ಮಾಣಕ್ಕಾಗಿ ಈ ಹಿಂದೆ ಮಂಗಳೂರಿನ ಹತ್ತು ಹಲವು ಮುಖಂಡರು, ಜನ ಪ್ರತಿನಿಧಿಗಳು,. ಸ್ಥಿತಿವಂತರು ಈ ಬಗ್ಗೆ ಪ್ರಯತ್ನ ಪಟ್ಟಿದ್ದಾರೆ ಎಂಬುದನ್ನು ಸಚಿವರು ಅರ್ಥ ಮಾಡಿಕೊಳ್ಳಬೇಕು, ಈ ಹಿಂದೆ ಸರಕಾರದ ಜಮೀನು ಮತ್ತು ಪಕ್ಕದ ಖಾಸಗಿ ಜಮೀನು ಅನ್ನು ಭೂಸ್ವಾಧೀನ ಗೊಳಿಸಿ ಹಜ್ ಭವನ ಜಮೀನಿಗೆ ಪ್ರಯತ್ನ ಪಡಲು ಜಮೀರ್ ಖಾನ್ ಅವರು ಉತ್ಸಾಹ ತೋರಿರಲಿಲ್ಲ ಎಂಬುದನ್ನು ಅವರು ಮರೆಯಬಾರದು.
ಓರ್ವ ಸರಕಾರದ ಸಚಿವರಾಗಿ ಅವರು ಮಂಗಳೂರಿನ ಸ್ಥಿತಿವಂತರ ಬಗ್ಗೆ ಈ ರೀತಿಯಲ್ಲಿ ಸಂಭೋದಿಸಿರುವುದು ಖೇದಕರ. ಇನಾಯತ್ ಆಲಿ ಯವರ ಕೊಡುಗೆಯನ್ನು ಎಲ್ಲರು ಶ್ಲಾಘಿಸ ಬೇಕು, ಆದರೆ ಮಂಗಳೂರಿನ ಸ್ಥಿತಿವಂತ ಮುಸ್ಲಿಮರು ಏನು ಕೊಡುಗೆ ನೀಡಿಲ್ಲ ಎಂಬ ರೀತಿಯ ಅವರ ಮಾತು ಅಪ್ರಸ್ತುತ. ಮಂಗಳೂರಿನ ಅಸಂಖ್ಯಾತ ಅದೆಷ್ಟೋ ಸ್ಥಿತಿವಂತ ಮುಸ್ಲಿಮರು ಈ ರಾಜ್ಯಕ್ಕೆ ವಿವಿಧ ರೀತಿಯಲ್ಲಿ ಅದೆಷ್ಟೋ ಕೊಡುಗೆ ನೀಡಿದ್ದನ್ನು ಮರೆಯಲಾಗದು ಎಂಬುದನ್ನು ಸಚಿವರು ಅರಿಯಲಿ ಎಂದಿದ್ದಾರೆ.